နှစ်သစ်မင်္ဂလာ အခါသမယမှာ အန္တရယ်ကင်း ရန်စွယ်ကင်းပြီး ကောင်းမှုမင်္ဂလာ ဖြစ်ပါစေရန် ရည်သန်တောင့်တ၍ မြန်မာ့ယဉ်ကျေးမှု စတင်မြစ်ဖျားခံရာ မင်္ဂလာသုတ် ပရိတ်တော်ကို ပူဇော်လိုက်ရပါတယ်။
သတ္တဝါအပေါင်း ကောင်းကျိ်ုးမင်္ဂလာ အဖြာဖြာနဲ့ ပြည့်စုုံနိုင်ကြပါစေ…။
သမန္တာ စက္ကဝါဠေသ၊ု အတြာဂစ ္ဆန္တု ဒေ၀တာ။
သဓမ္မံ မုနိရာဇဿ၊ သုဏန္တု သက္ကမောက္ခဒံ။
ဓမ္မဿ၀နကာလော အယံ ဘဒ္ဒန္တာ။
နမော တဿ ဘဂ၀တော အရဟတော သမ္မာသမ္ဗုဒ္ဓဿ။
ယံ မင်္ဂလံ ဒွာဒသဟိ၊ စိန္တယိ ံသု သဒေ၀ကာ။
သောတ္ထာနံ နာဓိဂစ ္ဆန္တိ၊ အဋ္ဌတိ ံသဉ္စ မင်္ဂလံ။
ဒေသိတံ ဒေ၀ဒေဝေန၊ သဗ္ဗပါပဝိနာသနံ။
သဗ္ဗလောကဟိတတ္ထာယ၊ မင်္ဂလံ တံ ဘဏာမ ဟေ။
ဧဝံ မေ သုတံ ဧကံ သမယံ ဘဂဝါ သာဝတ္ထိယံ ဝိဟရတိ ဇေတ၀နေ အနာထပိဏ္ဍိကဿ အာရာမေ။ အထ ခေါ အညတရာ ဒေ၀တာ အဘိက္ကန္တာယ ရတ္တိယာ အဘိက္ကန္တဝဏ္ဏာ ကေ၀လကပ္ပံ ဇေတ၀နံ သြဘာသေတွာ ယေန ဘဂဝါ တေနုပသင်္ကမိ၊ ဥပသင်္ကမိတွာ ဘဂဝန္တံ အဘိဝါဒေတွာ ဧကမန္တံ အဋ္ဌာသိ။ ဧကမန္တံ ဌိတာ ခေါ သာ ဒေ၀တာ ဘဂဝန္တံ ဂါထာယ အဇ္ဈဘာသိ။
ဗဟူ ဒေဝါ မနုဿာ စ၊ မင်္ဂလာနိ အစိန္တယုံ။
အာကင်္ခမာနာ သောတ္ထာနံ၊ ဗြူဟိ မင်္ဂလမုတ္တမံ။
အသေ၀နာ စ ဗာလာနံ၊ ပဏ္ဍိတာနဉ္စ သေ၀နာ။
ပူဇာ စ ပူဇနေယျာနံ ဧတံ မင်္ဂလမုတ္တမံ။
ပတိရူပဒေသဝါသော ပုဗ္ဗေ စ ကတပုညတာ။
အတ္တသမ္မာပဏိဓိ စ၊ ဧတံ မင်္ဂလမုတ္တမံ။
ဗာဟုသစ္စဉ္စ သိပ္ပဉ္စ၊ ဝိနယော စ သုသိက္ခိတော။
သုဘာသိတာ စ ယာ ဝါစာ၊ ဧတံ မင်္ဂလမုတ္တမံ။
မာတာပိတု ဥပဋ္ဌာနံ၊ ပုတ္တဒါရဿ သင်္ဂဟော။
အနာကုလာ စ ကမ္မန္တာ၊ ဧတံ မင်္ဂလမုတ္တမံ။
ဒါနဉ္စ ဓမ္မစရိယာ စ၊ ဉာတကာနဉ္စ သင်္ဂဟော။
အန၀ဇ္ဇာနိ ကမ္မာနိ၊ ဧတံ မင်္ဂလမုတ္တမံ။
အာရတီ ဝိရတီ ပါပါ၊ မဇ္ဇပါနာ စ သံယမော။
အပ္ပမာဒေါ စ ဓမ္မေသု၊ ဧတံ မင်္ဂလမုတ္တမံ။
ဂါရဝေါ စ နိဝါတော စ၊ သန္တုဋ္ဌိ စ ကတညုတာ။
ကာလေန ဓမ္မဿ၀နံ ဧတံ မင်္ဂလမုတ္တမံ။
ခန္တီ စ သော၀စဿတာ၊ သမဏာနဉ္စ ဒဿနံ။
ကာလေန ဓမ္မသာကစ္ဆာ၊ ဧတံ မင်္ဂလမုတ္တမံ။
တပေါ စ ဗြဟ္မစရိယဉ္စ၊ အရိယသစ္စာန ဒဿနံ။
နိဗ္ဗာနသစ္ဆိကိရိယာ စ၊ ဧတံ မင်္ဂလမုတ္တမံ။
ဖုဋ္ဌဿ လောကဓမ္မေဟိ၊ စိတ္တံ ယဿ န ကမ္ပတိ။
အသောကံ ဝိရဇံ ခေမံ၊ ဧတံ မင်္ဂလမုတ္တမံ။
ဧတာဒိသာနိ ကတွာန၊ သဗ္ဗတ္ထမပရာဇိတာ။
သဗ္ဗတ္ထ သောတ္ထိ ံ ဂစ္ဆန္တိ၊ တံ တေသံ မင်္ဂလမုတ္တမံ။
မှတ်ချက်။ ။ မြန်မာပြန်ကိုတော့ ကြုံတဲ့အခါမှပဲ ရေးပေးပါ့မယ်ခင်ဗျာ။
No comments:
Post a Comment